RANGA NIN PUSONG NAGTITIOS
Ranga nin pusong nagtitios,
Burak na sangkap nin hamot,
Uya an buhay ko saimao dolot
Lilingya nin pagkaherak
Puso kong namomoot.
Bitoon kang maliwanag,
Sa diklom nin kabangihan,
Puso kong nariribongan
Nagbareta nin kapungawan.
Kon dai kang pagkaherak
Na ako mo pabayaan,
Puso kong simong binihag
Magpapatimasang.
Sa ibaba kan bukid
Nag solnop na an bulan
Madiklom, toninong
Natotorog na banwaan.
Ngonian ako yaon
Tanganing ika kansyonan,
Asin giromdomon
Sakit, ogmang inagihan.
Ano iyan lalawgen mo
Diyan sa kadikloman?
Ano iyan an boses mo
Hale sa katoninongan?
Dai ko na namamati
An lipot, kapungawan;
Ta aram kong ngonian ika
Sa sako nangatorogan.
Kaso sarung aldao
Nagataman akong punay
Nakasangle, nakaribay
Nin si ogma ko kasakitan.
Salampating gominaro,
Gominaro dahil sako,
Ano daw ikinamondo
Ta nag layog nin harayo.
Tominaas, bominaba,
Nagtoro si sakung luha,
Nagin salog, nagin sapa,
Nagin danaw na dakiula.
Halat ka sakong punay ka
Ta madakop ka nin iba,
Ilaog ka sa hawla
Sa hawlang may seradora.
Diyan ka na magdadanay
Ni pag inom, ni pagkakan,
Tanganing ka nang magadan
Mapara ka sa kinaban.
No comments:
Post a Comment