SA DICLOM NIN BANGUI
Sa diclom nin bangui nin camatangaan
An hamot mo. jazmin, nagwawarak
Daing kabaing, daing kabagay
An hamot mo sa saco ay neneng
Sa pusong may sakit icang nacaomay
Guiromdoma con aco ay dai na
Sa kinaban tumalikod mapara na
Guiromdoma man, hurop-huropa
Si satong pag-ibaiba
Ngonian caining oras
Na kita suhay na.
Isipon mo Sana
Isipon mo sana namomotan ta ca
Nganing minsan saen dai malingaw ca
Sa simong pagturog asin sa pagmata
Gabos cong recuerdo simong giromdoma
Sa aldaw sa bangui antes cang magturog
Sarong inagrangay idulot mo sa Dios
Nganing matiwasay an sacong pagcamoot
Isipon mo sana namomootan ta ca.
PANTOMINA
Ang mga babaye
Kung mayo pa nin agom
Maugay nin aga maugay nin hapon
Alagad kung sinda igua na nin agom
Maugay Octobre, Disyembreng sunudon.
Ica palan, Nenang ang pinagsasabi
Magayon na burac sa lugar na ini
Magayon ang tindog malinig ang pisngi
Arin pa daw ang puso ang dai mawili.
Can ica sadit pa sadit pa man aco
Si satuyang cawat magkudot-kudotan
Kinudot mo aco kinudot ta ca man
Sabi mo sa saco luhayluhaya man.
Ang mga lalake
Hudyan sisaboot
Ang pinagsasabing ngarang pagcamoot
Kundi ang babayeng iyo minahilod
Akong minahiling can mga pangguyod.
Subscribe to:
Post Comments (Atom)
No comments:
Post a Comment